Хари Кејн ги загрижи навивачите на Баерн Минхен откако беше заменет во финишот на дуелот од Бундеслигата против Баер Леверкузен. Англискиот репрезентативец кој е прв стрелец на Баерн и до пред средбата со Фармацевтите даваше гол на секој меч, имаше сериозни болки во глуждот на ногата.
Од Баерн објавија дека тестовите што беа направени утрово, покажале дека тој напредува позитивно и ќе продолжи со интензивно лекување.
Не е јасно колку долго Кејн ќе биде надвор од терените и дали воопшто ќе пропушти некој меч, но најлошите можни сценарија се избегнати и Кејн нема сериозна повреда. Следниот меч на Баварците е против Астон Вила в среда од Лигата на шампионите.
