Поранешниот напаѓач на Реал Мадрид, Јувентус и Наполи и шести најдобар стрелец во историјата на аргентинската селекција, Гонзало Игуаин, му се приклучи на стручниот штаб на Интер Мајами 2, објави прес-службата на американскиот фудбалски клуб.
Популарниот Пипита, кој има 36 години, а кариерата ја заврши играјќи за Интер Мајами во октомври 2022 година, ќе ја извршува функцијата тренер за развој на играчи во вториот тим на Интер (тимот игра во третата американска дивизија), каде што прв тренер е неговиот брат Федерико.
За првиот тим на Интер Мајами настапува поранешниот соиграч на Игуаин од репрезентацијата на Аргентина, Лионел Меси.
Игуаин во дресот на Интер Мајами даде 29 гола на 70 натпревари.
Примарната одговорност на Игуаин во новата улога во клубот ќе му биде да ја олесни адаптацијата на играчите кои доаѓаат од младинските редови, како и на оние кои се селат од вториот во првиот тим.
