Грците сакаа да ја победат Англија во чест на нивниот покоен репрезентативец Џорџ Болдок кој беше всушност Англичанец со грчко потекло (баба му била Гркинка), и успеаја во тоа, славеа на „Вембли“ со 2-1.
Двата гола за нашиот јужен сосед ги даде Вангелис Павлидис, а играчот на Бенфика постигна уште два гола кои му беа поништени.
Кога Џуд Белингам погоди за 1-1 во 87-ма минута, Англичаните помислија дека може да останат непоразени, но Павлидис ги смрзна во 94-та минута после катастрофалната реакција на англиската одбрана.
За Англија ова е дури трети пораз на „Вембли“ во последните седум месеци. Губеа и на пријателски мечеви со Бразил и Исланд. Со овој пораз, Англичаните си ги искомпликуваа работите околу враќањето во елитната Лига А од Лигата на нации.
