Лука Модриќ ќе го напушти Реал Мадрид на крајот од актуелната сезона, а Флорентино Перез веќе бара замена.
Веќе е познато дека неговата најголема желба е Флоријан Вирц, но, за германскиот играч конкурираат и Баерн Минхен, Манчестер сити, како и Ливерпул, па нема да биде лесно да се обезбеди неговиот потпис.
Шпанските медиуми ја откриваат новата опција на Реал, тоа е играчот од средниот ред на Пари Сен Жермен, Витиња.
Португалецот се покажа како одлично засилување за тимот на Луис Енрике, кој нема лесно да се откаже од него, особено не во корист на Реал Мадрид.
Витиња има 24 години и е проценет на над 50 милиони евра, но се очекува дека ПСЖ ќе бара најмалку двојно повеќе.
За разлика од Вирц, Витиња е централен играч за врска, игра токму на позицијата која ја покрива Лука Модриќ. Германецот многу повеќе се снаоѓа како офанзивен играч од средниот ред, па дури и крилен напаѓач.
