Најтрофејниот англиски клуб во Премиер лигата, Манчестер јунајтед, реши да го отпушти Сер Алекс Фергусон. Легендарниот шкотски тренер кој е најтрофеен во историјата на Манчестер јунајтед беше еден од 250-те вработени кои беа отпуштени како технолошки вишок.
Во последните неколку години Фергусон беше голобален амбасадор на клубот, но сега 82-годишниот Шкот останува без ова признание. Фергусон во Манчестер јунајтед дојде во 1986 година и беше тренер се до 2013 година, а потоа остана да биде дел од клубот. Цели 38 години Сер Алекс беше на платниот список на Црвените ѓаволи.
Освен тоа што 82-годишниот Ферги доби отказ, тој доби и забрана за влез во соблекувалната на фудбалерите. Досега Фергусон секогаш кога ќе почувствуваше потреба, тој влегуваше во соблекувалната да даде совети до играчите, но и на тренерите. Сега тоа ќе му биде забрането, што всушност значи дека легендарниот тренер станува „безгласна буква“ во англискиот гигант.
