На половина од рокот за типување за осмото коло на популарната бесплатна игра Спортска прогноза на Sport Life мнозинството веќе си има своите фаворити.
Неколку големи дерби-дуели се дел од понудата. Во победа на Реал Мадрид против Барселона веруваат над половината прогнозери, за Барса е само една четвртина од играчите.
Голема е поделеноста за дуелот на Арсенал против Ливерпул, со тоа што 38,1% се одлучија за Топчиите, а скромни 26,9 отсто верува во победа на Ливерпул, кој е лидер на табелата.
За најголемото италијанско дерби, само 7 проценти типуваат победа на Јувентус на гостувањето кај Интер, а околу две третини (65 отсто) се за триумф на Нераѕурите.
Интересно е дека прилично малкумина (31,6 проценти) од оние кои веќе се изјасниле, мислат дека ПСЖ ќе слави на гости кај Марсеј во големото француско дерби. За кец и двојка се малку повеќе прогнозери, но и тие засега се под 40 проценти.
Прогнозерот кој ќе има погодени 13 натпревари ќе може да си одбере еден од подароците (Смарт ТВ самсунг 55” 4K, Xiaomi електричен тротинет, PlayStation®5). За една утка и 12 погодени мечеви следува вредносен ваучер од 1.000 денари од Sport Life, додека 11-ката носи ваучер од 500 денари.
