Со доаѓањето на есента, зголемен е бројот на врнежливи денови, кои знаат да направат проблем на фудбалскиот терен. На дуелот меѓу Сан Марино Калчо и Прета во рамките од Серија Д се радуваа гостите на победа од 3:0, но никој не зборуваше за резултатот, туку за условите на коишто се играше.
Теренот на којшто игра локалниот клуб Сан Марино Калчо се најде како главна тема во фудбалска Италија. Според мислењето на многумина, во италијанскиот фудбал не смее да има терен кој е во таква ужасна состојба, без разлика што таму се игра дуел од четвртата лига по ранг. Голем дел од фудбалерите едвај се движеа, а не пак да трчаат по калта која беше речиси на секој дел од теренот.
Тимот кој доаѓа од Сан Марико, малата земја која е во „срцето на Италија“, доби право за настап во италијанските лиги иако Сан Марино има своја лига, која е аматерска.
