Манчестер јунајтед се пласираше во четвртфиналето на Лига Купот во Англија, откако на убедлив начин со 5:2 го победи Лестер. Црвените ѓаволи кои имаа само една победа во последните осум мечеви, овојпат одиграа речиси перфектно во офанзивниот дел.
Касемиро, Гарначо, бруно Фернандеш и потоа повторно Касемиро погодуваа за убедлива предност на Манчестер јунајтед од 4:2 на полувреме. На почетокот на вториот дел Бруно Фернандеш погоди за 5:2, што на крајот се покажа и како конечен резултат. На клупата на Манчестер како привремен тренер беше Руд ван Нистелрој.
Челзи е елиминиран од Лига купот откако со 2:0 загуби на гости кај Њукасл. Кристал Палас ја изненади Астон вила и победи со 2:1 на гости, а Арсенал без никаква мака со 3:0 го победи Престон.
