Шпанскиот тенисер, Карлос Алкарас, е елиминиран во осминафиналето на турнирот во Париз од домашниот натпреварувач, Уго Умбер, со 2-1 по сетови.
Умбер кој е 18-ти на АТП ранг-листата фантастично го отвори мечо и го доби првиот сет со 6-1. Сепак, во вториот Алкарас се врати во игра и го доби сетот со 6-3 за израмнување на 1-1. Вистинска драма се случуваше во третиот сет. Ниту еден од тенисерите не успеа да направи брејк се до последниот гејм, кога шпанецот најпрво спаси две меч топки, но не успеа да направи пресврт и да се избори за тај-брејк.
За Алкарас ова е втор турнир на кој рано е елиминиран, откако во Шангај беше поразен во четвртфиналето.
Пласман во четвртфиналето обезбедија и Зверев, Де Минор и Руне.
