Голот кој го постигна Александер Исак во 12-тата минута, се покажа како единствен на дуелот помеѓу Њукасл и Арсенал, и ова е втор меч по ред помеѓу овие екипи на „Сент Џејмс парк“ кој Чавките го добиваат со 1-0.
Минатата сезона Арсенал првиот пораз го претрпе од Њукасл, а сега ова им е втори пораз сезонава. Арсенал во последните три кола освои само еден бод, и почнува сериозно да заостанува во трката за титулата.
Ако Манчестер сити вечерва го победи Борнмут, ќе има предност од 8 бодови пред Арсенал, а во историјата на Премиер лигата, никогаш не се случило тим кој имал осум бодови негатива после комплетирано коло, да стане и шампион на крајот.
За Арсенал се покажува проблематично и кога губи по првото полувреме. Денеска за првпат по декември 2023, Топчиите губеа на полувреме, а и лани против Вест хем, и денеска против Њукасл, ги загуби натпреварите.
