Фудбалерите на Аталанта продолжуваат со одличните игри, а дека се наоѓаат во одлична форма покажаа и против лидерот на табелата во Серија А и тоа на гостински терен. Екипата од Бергамо славеше со 0-3 на гостувањето кај Наполи и така се искачија на втората позиција на табелата со само три бода помалку од Наполи.
Ова значи дека серијата без пораз за Аталанта сега се зголеми за осум натпревари, а во исто време заврши фантастичната серија за Наполи од десет натпревари без пораз, на кои имаа девет победи и само едно реми.
Двата гола за Аталанта во првото полувреме беа дело на Адемола Лукман во 10-тата и 31-вата минута, додека конечните 0-3 ги постави Матео Ретегуи во 93-тата минута.
