Германскиот тенисер, Александер Зверев, е победник на мастерс турнирот во Париз, откако во финалето го совлада домашниот натпреварувач, Уго Умбер, со максимални 2-0. Тој доминираше во двата сета и ги доби со идентични и повеќе од убедливи, 6-2.
За Умбер и самиот пласман во финалето претставува огромен успех, со оглед на тоа дека пред почетокот на турнирот беше рангиран како 15-ти носител. И трофејот на Зверев претставува изненадување, со оглед на тоа дека многу повеќе се очекуваше од Карлос Алкарас, но тој беше елиминиран уште во осминафиналето токму од Уго Умбер.
