Барселона продолжува со одличните игри и убедливите победи откако со 5:2 славеше на гостувањето во Белград против Црвена ѕвезда во меч од четвртото коло во Лигата на шампиони. За Барселона ова е трета победа, а српскиот првак остана без ниту еден бод во досегашната фаза.
Речиси едно полувреме Црвена ѕвезда успеа да парира на Барселона. Гостите поведоа со голот на Мартинез во 13 минута, а Силас израмни во 27 минута за голема радост на преку 53.000 навивачи на Црвена ѕвезда на „Рајко Митиќ“. Пред крајот на првото полувреме Барселона стигна до нова предност, кога Роберт Левандовски погоди за 2:1. Погодоците од првото полувреме може да ги видите ТУКА.
Фуриозно започна Барселона во вториот дел и во период од 53 до 55 минута постигна два гола. прво Левандовски погоди за 3:1, а потоа прецизен беше и Рафиња.
Одличен беше и Кунде кој имаше три асистенции во второто полувреме, а голот за 5:1 го постигна Фермин Лопес.
Голеадата ја затвори Милсон кој постигна одличен погодок за втора радост за домашните навивачи.
Интер минимално со 1:0 го победи Арсенал и тоа со погодокот на Чалханоглу од пенал во судиското надополнување од првото полувреме. Атлетико Мадрид со голот на Кореа во 90+3 минута стигна до победа од 2:1 на гостувањето кај Пари Сен Жермен, а Аталанта славеше со 2:0 на гости кај Штутгарт.
На гости се радуваше и Салцбург кој со 3:1 беше подобар од Феенорд, додека Брест со 2:1 славеше во Прага против Спарта.
