Конференциската лига на Европа постои кратко време, но рекордот кој вечерва го постави Челзи би можело подолго да стои во книгата на рекорди во ова натпреварување.
Лондонските Сини го прегазија ерменскиот Ноах дури со 8-0. По првото полувреме беше 6-0 и прашање беше само до каде ќе оди новиот рекорд. Фановите бараа 10-ка, но фудбалерите на Челзи не им ја исполнија желбата и постигнаа „само“ 8.
Овие 8-0 се далеку од англискиот рекорд според висината на победа во европските купови. Во 1976 година, во тогашниот Куп на УЕФА, Дерби каунти го растури Фин Харпс со 12-0.
Резултатот 8-0 е рекорден и во Лигата на шампионите. Со таков исход завршиле два меча во ЛШ: Ливерпул – Бешикташ и Реал Мадрид – Малме.
