Барселона во Белград го победи Партизан со 87-79 во првиот од двата вечерашни мечеви во кошаркарската Евролига. Сега Барса има скор 7-2, а Партизан по петтиот пораз по ред падна на 2-7 по девет одиграни кола.
Каталонците имаат низа од 10 победи по ред против Партизан, последниот пораз од белградските Црно-бели го имаат претрпено во 2010 година.
Вечерва Барса одигра фантастична втора четвртина која ја доби со 30-12, гостите имаа и предност од 23 поени разлика, но Партизан не се предаде, во претпоследната минута дојде само на минус еден. Тогаш Алекс Абринес погоди клучна тројка за 83-79, замолкнувајќи ја публиката. Партизан не го реализира следниот напад и приказната заврши.
Ова е тројката на Абринес од агол во последна секунда од напад, која се покажа како решавачка:
ABRINESSSSSSS 😬🔪 pic.twitter.com/nHFs4Zv4vn
— Barça Basket (@FCBbasket) November 13, 2024
