Трагична вест го потресе Либан и фудбалската заедница во оваа држава. Селин Хајдар, репрезентативката на Либан, го загуби животот во ракетен напад од израелската војска над Бејрут.
Хајдар, која беше погодена од еден од проектилите, поминала неколку часа во критична состојба на интензивна нега, но, за жал, не успеа да се избори за својот живот.
Céline Haidar, membre de l'équipe nationale féminine de football libanaise, vient de succomber à ses blessures suite à une frappe aérienne israélienne dans le quartier de Shiyah à Beyrouth.@Romain_Molina pic.twitter.com/QygNXQ7n4N
— كريم (@KarimBecc) November 17, 2024
Ракетните напади се случија во јужните предградија на Бејрут, регион кој израелската војска го идентификуваше како упориште на Хезболах. Пред нападите, Израел издаде предупредување за евакуација на цивилите од овој дел на градот.
Сепак, бомбардирањата предизвикаа масовно раселување на населението, додека некои граѓани се враќаат преку ден да ги проверат своите домови и имоти.
Хајдар беше репрезентативка на Либан и членка на Бејрутската фудбалска академија (БФА), која ја потврди трагичната вест. Таа имаше значајна улога во младинските репрезентации на Либан, со кои освои и меѓународни трофеи како дел од селекцијата до 18 години.
