Англискиот премиерлигаш Арсенал се сооочува со тежок период во сезоната, со многу повреди на клучни играчи кои ја нарушуваат стратегијата на менаџерот Микел Артета. Поради ова, тимот не успева да ја повтори доминацијата која ја имаше минатата сезона, повредите сериозно го нарушуваат неговиот пат кон титулата.
Од септември Арсенал не можеше да смета на капитенот Мартин Одеґард, кој се повреди на меѓународен натпревар за Норвешка, а и Букајо Сака беше повреден минатиот месец, додека настапуваше за Англија. Сега нов удар за Артета е повредата на Леандро Тросар, кој се повреди додека играше за репрезентацијата на Белгија и сѐ уште не се знае колку долго ќе биде надвор од теренот.
Покрај овие повреди, Арсенал се соочува и со проблеми во одбраната бидејќи Бен Вајт, Такехиро Томијасу, Киран Тирни и Рикардо Калфиори веќе се повредени.
Овие повреди ја прават ситуацијата на Артета уште потешка бидејќи мора да се потпре на алтернативи, а како што се развива сезоната, ќе биде клучно Арсенал брзо да ја пронајде својата форма и да ги надмине овие предизвици, особено во борбата за титулата.
