Кошаркарите на Орландо меџик дојдоа до деветтиот триумф во НБА-лигата откако славеа на гости против Феникс санс со 109-99.
Германецот Франц Вагнер ги предводеше гостите до победата со 32 поени, осум асистенции и пет скока, додека Блек постигна 20 поени со девет асистенции и четири скока. Битадзе го заврши натпреварот со 17 поени и десет скока, а двоцифрен беше и Сагс со 12 поени и два скока.
Кај Феникс санс најдобар беше Џонс со 18 поени, осум асистенции и два скока, додека Ален и Букер додадоа по 17 поени. Игодаго го заврши натпреварот со 12 поени, седум скока и две асистенции. Двоцифрен беше и Окоги со 11 поени, пет скока и две асистенции.
Милвоки ја прекина победничката низа на Хјустон откако победи со 101-100. Брук Лопез со 27 поени беше најефикасен кошаркар во победничиот тим.
Резултати: Детроит – Чикаго 112:122, Мајами – Филаделфија 106:89, Њујорк – Вашингтон 134:106, Торонто – Индијана 130:119, Милвоки – Хјустон 101:100, Феникс – Орландо 99:109, Сакраменто – Атланта 108:109, ЛА клиперс – Голден стејт 102:99
