По завршување на репрезентативните обврски, фудбалерите полека се враќаат на клупски план. За викендов што следува се закажани натпревари во сите најсилни лиги, а тоа е знак дека се враќа и редовното коло на Спортска прогноза на Sport Life.
Во 11-тото коло следуваат многу интересни дуели од најквалитетните првенства, а еден меч привлекува посебно внимание. Милан на „Сан Сиро“ му е домаќин на Јувентус. Старата дама е на шестото место со 24 бода, што е само два помалку од лидерот Наполи. Милан иако е веднаш зад Јувентус, на седмото место, заостанува дури шест бода зад големиот ривал. Јувентус е единствен непоразен тим во Серија А сезонава.
Освен ова дерби, тука се и други интересни средби кои ќе се играат во Италија, Шпанија, Англија, Франција и Германија. За секој прогнозер главен предизвик ќе биде да се обиде да ги погоди сите 13 фикса и со тоа да стигне до Среќна 13-ка, што ќе му донесе и вреден подарок. Со перфектни 13 погодоци, прогнозерот може да си одбере еден од подароците (Смарт ТВ самсунг 55” 4K, Xiaomi електричен тротинет, PlayStation®5).
За 12 погодоци следува вредносен ваучер од 1.000 денари во Sport Life, додека 11-ката вреди ваучер од 500 денари.
