Партизан ја прекина серијата од шест порази по ред во Евролигата победувајќи го вечниот ривал Црвена ѕвезда со 89:77, во дербито на 11-тото коло на елитното кошаркарско натпреварување. За Партизан ова е само трета победа сезонава во Евролигата, додека Црвена ѕвезда го претрпе шестиот пораз.
Првата четвртина беше израмнета, двата тима се менуваа во водство, а домаќините имаа предност од 21:19. Црвена ѕвезда ја имаше контролата на резултатот до средината на втората четвртина, кога водеше со 31:27, а потоа следуваше добра игра на Партизан. Црно-белите со серија од 12:1 го презедоа водството (39:32), а потоа со добра игра постојано имаа контрола на резултатот.
Во еден дел од третата четвртина, Партизан стигна и до 55:41, а Црно-белите потоа имаа и највисоки 17 поени предност (75:58) и до крајот на мечот не дозволија да има изненадување и славеа во Арената, во која имаше речиси 20.000 навивачи на Црвена ѕвезда.
Carlik Jones😤@PartizanBC #MotorolaMagicMoments I @Moto pic.twitter.com/BCUxhOrb0O
— Turkish Airlines EuroLeague (@EuroLeague) November 21, 2024
Во мечевите кои досега завршија: Анадолу Ефес – Париз 84:93, Монако – Асвел 103:92, Олимпијакос – Басконија 92:69.
