Екипата на Наполи после пауза од две коло повторно победи во Серија А и се врати на вравот од табелата. Вечерва во Неапол беше поразена Рома со 1-0, а единствениот гол на мечот беше дело на Ромелу Лукаку во 54-тата минута, откако се најде на вистинското место и во вистинското време и ја затресе противничката мрежа.
Наполи сега е лидер со 29 поени, по еден повеќе од Аталанта, Интер и Фиорентина, кои имаат по 28, а со ваков ефект може да биде и Лацио, доколку ја совлада Болоња во последниот денешен натпревар од Серија А.
