Фудбалерите на Атлетик Билбао го добија баскиското дерби против Реал Сосиедад со минимални 1-0. Ова е нивни шестти меѓусебен натпревар по ред во Ла Лига на кој победува домашната екипа.
Единствениот гол на натпреварот вреден три бода за Атлетик Билбао беше дело на Сансет во 26-тата минута, откако со глава ја смести топката во противничката мрежа после асистенцијата на Нико Вилијамс.
Атлетик Билбао со оваа победа дојде до 23 бода, што е доволно за пробив до петтата позиција на табелата.
