Најбрзиот спорт во светот, Формула 1 шампионатот, од 2026 година ќе добие уште еден тим. „Џенерал моторс“, која е матична компанија на „Кадилак“, постигна договор со сопствениците на Ф1, па договорено е да стане 11-ти тим.
GM/Cadillac најверојатно првично ќе користи мотор на Ferrari, по што „Џенерал моторс“ ќе влезе во Формула 1 како снабдувач со мотори бидејќи ќе почнат да развиваат свои погонски единици.
Договорот беше потпишан откако Формула 1 претходно оваа година го одби американскиот тим Андрети, кој е во сопственост на Мајкл Андрети, син на светскиот шампион во Ф1 од 1978 година, Марио Андрети. Оттогаш името Андрети е исфрлено од предлогот, Мајкл е повеќе вклучен, но Марио наводно ќе има амбасадорска улога.
🚨 BREAKING: Formula 1 has reached an agreement in principle with General Motors to support bringing GM/Cadillac in as the 11th team to the Formula 1 grid in 2026#F1 #QatarGP pic.twitter.com/9HFGpij4GO
— Fastest Pitstop (@FastestPitStop) November 25, 2024
„Џенерал моторс“ и „Кадилак“ се почестени да им се приклучат на најдобрите тркачки серии во светот. Ние сме посветени на страсна конкуренција и интегритет, да го подигнеме спортот на ново ниво за љубителите на трките ширум светот“, рече претседателот на GM, Марк Ројс.
Претседателот на ФИА, Мохамед Бен Сулејем, кој исто така го поддржа влезот на „Андрети“ во Формула 1, изјави дека целосно го поддржува доаѓањето на тимот на ГМ/Кадилак. Тој вети дека ФИА, Формула 1 и ГМ ќе продолжат да работат заедно за да се осигурат дека целиот процес непречено оди напред.
