Екипите на Милан и Болоња се пласираа во четвртфиналето од Купот на Италија откако перфектно одиграа пред своите навивачи. Милан уште во првите 25 минути ги реши сите дилеми на дуелот против Сасуоло откако Росонерите постигнаа дури четири голови. Во второто полувреме продолжи гол-шоуто на „Сан Сиро“, па на крајот Милан славеше со убедливи 6:1 против второлигашот.
Болоња постигна по два голови во двете полувремиња и на крајот со 4:0 ја победи Монца. Болоња е тим кој сезонава игра и во Лигата на шампионите. Во домашното првенство игра солидно, а сега ќе биде дел и од четвртфиналето во Купот на Италија.
