Баерн Минхен подготвува резервен план во случај да не успее да го донесе Флоријан Вирц од Баер Леверкузен следното лето. Според германските медиуми, главната алтернатива на Баварците е Чави Симонс, талентираниот холандски офанзивец кој моментно игра како позајмен играч во Лајпциг, а е во сопственост на ПСЖ.
Спортскиот директор на Баерн, Макс Еберл, минатото лето покажа голем интерес за Симонс, но играчот одлучи да остане во Лајпциг уште една сезона. Откако ќе заврши позајмицата, Симонс повторно ќе биде достапен за трансфер, а Баерн ќе има можност да го обезбеди неговиот потпис.
Цената на Симонс е проценета на околу 80 милиони евра. Во текот на оваа сезона, младиот фудбалер одигра 11 натпревари во сите натпреварувања, постигнувајќи три гола. Тој моментно е надвор од терените поради повреда.
