Легендата на Манчестер јунајтед, Пол Сколс, изрази разочараност поради ситуацијата со напаѓачот Маркус Рашфорд, кој, според сите индикации, ќе биде продаден кога ќе се создаде можност. Фудбалерот потврди дека е „подготвен за нов предизвик“, што ја направи тагата кај Сколс уште поголема.
„Тажно е кога фудбалерите од академијата го напуштаат клубот. Се сеќавам на моментот кога Дани Велбек си замина откако се почувствува ненамерно изоставен. Ситуацијата со Маркус е слична. Пред две години имаше феноменален сезонски настап со 30 гола, но оттогаш не може да го достигне тоа ниво. Сега е далеку од тоа што го покажуваше пред 18 месеци или две години, но и очекувањата од него се зголемени“, изјави Сколс.
„Ми се чини дека ова е крај за него. Не изгледа среќно дури и кога постигнува гол. Почнуваме да се прашуваме што се случува со него. Дали добива доволно поддршка во соблекувалната? Не можеме да знаеме. Сè започна уште кога Тен Хаг го остави надвор од составот заради доцнење пред натпреварот против Вулверхемптон“, додаде една од легендите на Манчестер јунајтед.
