Јувентус очекувано победи на гостувањето кај Монца. Гигантот од Торино славеше со 2:1, со тоа беше испишана историја. За Старата дама ова беше 1.700 победа во првенството на Италија.
Ако се погледнат резултатите и статистичките податоци, само три екипи од Топ 5 лигите во Европа од претходно можеле да се пофалат дека имаат 1.700 триумфи во домашното првенство, сметано од сезоната 1929/30.
Јувентус влезе во друштво со двата шпански гиганти Реал Мадрид (1.832 победи) и Барселона (1.771), како и англискиот премиерлигаш Арсенал кој е единствен во Англија со повеќе од 1.700 победи во домашното првенство.
Во италијанската Серија А сите останати клубови се далеку зад Јувентус. Втор на оваа листа е Интер со помалку од 1.600 победи, а Милан има помалку од 1.500 победи.
1700 – Juventus have won their 1700th match in Serie A, considering the top-flight division of Big-5 European leagues, only Real Madrid, Barcelona and Arsenal have reached this milestone since 1929/30. Milestone.#MonzaJuventus #MonzaJuve pic.twitter.com/p3PY7DF3p0
— OptaPaolo (@OptaPaolo) December 22, 2024
