Карлос Алкарас, третиот тенисер во светот, потврди дека следната сезона за првпат во својата кариера ќе настапи на АТП-турнирот од серијата 500 во Доха. Овој турнир е закажан од 15 до 22 февруари и привлекува врвни играчи кои ќе се борат за престижниот трофеј.
Веста доаѓа само десетина дена по објавата на Новак Ѓоковиќ дека и тој ќе учествува на турнирот во катарската престолнина. Покрај Алкарас и Ѓоковиќ, на турнирот ќе настапат и имиња како Јаник Синер, Данил Медведев, Андреј Рубљов, Алекс де Минор, Григор Димитров и други.
Турнирот оваа година доби специјална тежина бидејќи по повеќе од три децении се издигна до статусот на серија 500. Последниот шампион на овој турнир беше Карен Хачанов.
Новак Ѓоковиќ има две титули во сингл од овој турнир, славејќи во 2016 година против Рафаел Надал во финалето, а следната година против Енди Мареј.
Алкарас ќе учествува и на Отвореното првенство на Австралија и на турнирот во Ротердам пред Доха, што е сличен распоред на оној што го има и светскиот рекет број еден, Јаник Синер.
