Вулверхемптон беше на прагот на сензационален триумф против Челзи на „Стемфорд Бриџ“, но Еден Азар со гол во самиот финиш не дозволи големо изненадување во Премиерлигата.
Популарните волци водеа со 1:0 со голот на Раул Хименес од 56. минута, одлично се бранеа до самиот финиш, но најдобриот играч на Челзи со гол во 92. минута спаси еден бод за домаќините.
Челзи се израмни со Арсенал на петтата позиција со 57 бодови, а Вулверхемптон е зад нив со 44 бода.
