Тотенхем му нанесе пораз на Ливерпул од 1-0 во првиот меч од полуфиналето во Лига купот на Англија. Реваншот е на 6-ти февруари на „Енфилд“ во Ливерпул.
Голот за Петлите го даде 18-годишниот Швеѓанец Лукас Бергвал во 86-та минута. За Црвените ова е прв пораз во сите натпреварувања уште од септември наваму. Во Ливерпул се жалеа на судиите затоа што во моментот кога Тотенхем даде гол, Цимикас беше надвор од теренот, а некоја минута пред голот, Бергвал според нив требаше да добие црвен картон.
Тотенхем нема освоено никаков трофеј од 2008 година, кога го кренаа пехарот токму во Лига купот, и можеби сега им е шансата, но ги чека тежок реванш, па и финале на „Вембли“ против Њукасл или Арсенал.
