Пред почетокот на синоќешниот натпревар Нант – Монако, фановите на Канаринците имаа огромен транспарент и кореографија која ги обиколи светот.
Пораката беше следната: Организации, радиодифузери и политичари: препуштете им го фудбалот на навивачите.
Над оваа порака беше огромното знаме како стрип во кој беа нападнати француската лига, политичарите и Катарците!
„Луѓето повеќе не ги интересира фудбалот, како можеме да го промениме тоа?“, е прашањето во првиот дел.
„Промена на термините на мечевите во работни денови? Да се преселат сите натпревари во Катар? Да ги почитувате навивачите?“.
Сето ова беше пропратено со навредливи скандирања против сите кои им беа на тапет.
Неодамна француски Суперкуп се играше во Катар, земјата од која е сопственикот на клубот Пари Сен Жермен, а има замерки и за кревање на цените на претплатите за гледање на мечевите од Лига 1.
