Четири натпревари и 57 кошаркари се во НБА понудата на Sport Life за вечерва. Требаше да се играат пет средби, но дуелот на Атланта и Хјустон е одложен поради студ и мраз во Атланта. На аеродромот во Атланта има голем број одложени и откажани летови.
НБА одложи два меча кои требаше да се играат утре, и тоа натпревварите на кои требаше да играат двата тима од Лос Анџелес. Во Градот на ангелите имаше страшен пожар, па таму никому не му е до играње кошарка, а и уште нема нормални услови.
Феникс ќе се обиде по деветти пат по ред да ја победи Јута во меѓусебните дуели, Торонто бара прекинување низата од четири порази по ред против тим од кој губеше во претходните четири меѓусебни дуели, Минесота која има три победи по ред, ќе се обиде да ја продолжи позитивната традиција против Мемфис кој е еден од најдобрите тимови на Западот, а гостите се фаворити на хартија само во Портланд каде гостува Мајами. Блејзерс пет години нема победа на свој терен против Жешките.
