Дуелот меѓу двата најтрофејни клуба во историјата на францускиот шампионат го затвори 17-тото коло од Лига 1, со очекуван исход. Фудбалерите на Пари Сен Жермен го совладаа Сент Етјен на домашен терен со 2-1, со што направија уште еден чекор кон освојувањето на 13-та шампионска титула и четврта по ред.
ПСЖ сега е лидер со 43 бодови, седум повеќе од Олимпик Марсеј и дури 12 од Монако.
Сент Етјен, кој е десеткратен шампион, последен пат ја освои титулата во далечната 1981 година. По овој пораз, клубот се наоѓа на 16-та позиција со 16 бодови, што води во бараж за опстанок.
Главна фигура на натпреварот беше крилниот напаѓач на ПСЖ, Осман Дембеле.
Psg [1]-0 Saint-Etienne – Dembele 13'#PSGASSE #Ligue1 #Dembele pic.twitter.com/85WQOMp7Ha
— Goal & Ita (@FranchiniI47764) January 12, 2025
Во 13-та минута, Дембеле направи одличен продор по десната страна, влезе во казнениот простор, се намести на левата нога и со силен удар од 15 метри ја затресе мрежата за 1-0.
Во 33-та минута, ПСЖ доби пенал, а Дембеле успешно реализираше од белата точка за 2-0.
Psg [2]-0 Saint-Etienne – Dembele 23'#PSGASSE #Ligue1 #Dembele pic.twitter.com/6GHmNWcD7E
— Goal & Ita (@FranchiniI47764) January 12, 2025
Ситуацијата за домаќинот малку се искомпликува во 64-та минута, кога Давиташвили изведе маестрален слободен удар и го совлада Донарума за 2-1.
Psg 2-[1] Saint-Etienne – Davitashvili 64'#PSGASSE #Ligue1 #Davitashvili pic.twitter.com/3nXUi3deo2
— Goal & Ita (@FranchiniI47764) January 12, 2025
Иако резултатот донесе одредена неизвесност, победата на ПСЖ не беше загрозена.
Со овој триумф, ПСЖ продолжува сигурно да чекори кон нова титула.
