Италијанскиот гигант Јувентус сезонава се специјализира за играње нерешено. Во 20 меча во Серија А има дури 13 дуели на кои немало победник. Старата дама има и седум победи, а може да се пофали дека е единствен тим во првенството без ниту еден пораз.
На последниот меч, во дербито против Аталанта во Бергамо, Јувентус одигра 1:1, но гостите може да жалат што не ги освоија трите бода.
Јувентус водеше со 1:0, а Аталанта со погодок во 78-мата минута стигна до 1:1. Старата дама сепак може да жали што не победи затоа што при водство од 1:0, гостите имаа голема шанса за втор погодок. Сепак, само неколку милиметри беа потребни за радост на Јувентус, а радоста им ја скрати голманот на Аталанта, Марко Карнесечи.
Неверојатен рефлекс покажа голманот кој буквално успеа да спречи топката да ја помине гол-линијата со цел обем. Правилото во фудбалот вели дека топката мора со цел обем да ја помине гол-линијата за да биде погодок, а овојпат тоа не се случи.
Marco Carnesecchi (Atalanta) goal line clearance against Juventus
byu/Viriato181 insoccer
