Договорот на Нејмар со Ал-Хилал завршува на крајот од оваа сезона и веќе сè погласни се најавите дека тој ќе ја напушти Саудиска Арабија. Се споменува враќање во матичниот Сантос, но и трансфер кај Меси во Интер Мајами.
Сепак, последните информации се дека Бразилецот ќе го напушти Блискиот Исток уште зимава и ќе потпише за екипа од МЛС-лигата, но тоа нема да биде Интер Мајами, туку Чикаго фајр. Менаџерот на Нејмар демантираше и најави дека неговиот клиент ќе остане во Саудиска Арабија до крајот на договорот, но од американскиот клуб комплетен молк, ниту потврдуваат, ниту демантираат.
Нејмар е сопственик на најскапиот трансфер во историјата на фудбалот, кога за 222 милиони евра се пресели од Барселона во ПСЖ, но во Саудиска Арабија има комплетно неуспешна авантура и големи проблеми со повредите, па неговата вредност во моментов е само 30 милиони евра.
