Стручниот штаб на македонската ракометна репрезентација реши денеска да нема средба со новинарите, ниту тренинг.
Момците ќе имаат кратка фитнес-сесија, по што ќе добијат време за одмор и релаксација, за да соберат енергија пред утрешниот меч со Гвинеја. Првите два меча на СП беа психички екстремно тешки, и потребен е цел ден одмор пред дуелот со Гвинеја, за играчите да бидат свежи и да ја исполнат зацртаната цел, победа која ќе ја однесе Македонија во втората фаза на Светското првенство.
