Арсенал и 12-ти натпревар по ред нема пораз во Премиер лигата, но вечерва успеа да испушти предност од 2-0 против Астон вила и да ги израдува навивачите на Ливерпул. „Топчиите“ сега имаат шест бода помалку од лидерот, но и натпревар помалку од „црвените“.
Мартинели во 35-тата и Хаверц во 55-тата минута го донесоа Арсенал до убедливи 2-0, но брзо следуваше одговорот на Астон вила. Тиелеманс во 60-тата и Воткинс во 68-мата минута ја спасија Астон вила од пораз и се изборија за реми, 2-2, на „Емирати“.
