Барселона после одличните настапи во шпанскиот Куп и Супер куп и четирите победи по ред, повторно им се врати на старите, лоши навики во Ла Лига. Ако не се сметаат дуелите од Купот и Супер купот, Барселона веќе четври меч нема првенствена победа, откако вечерва одигра само 1-1 на гостувањето кај Хетафе.
Каталонците иако доминираа, сепак не успеваа да го пронајдат патот до мрежата на Хетафе и да победат во хаотичниот финиш. Барселона одлично го отвори мечот и уште во деветтата минута дојде во водство од 0-1 преку Кунде, но Хетафе врати во 34-тата преку Арамбари, што на крајот се покажа и како конечен резултат.
Барселона имаше 78% посед на топката, 10 корнери и 21 удар кон противничкиот гол, но ништо од тоа не беше доволно за победа. Каталонците остануваат на третата позиција со 39 поени, четири помалку од Реал и пет од Атлетико, но „кралскиот“ клуб утре го игра својот меч од 20-тото коло и со победа ќе се искачи на врвот и ќе ѝ побегне на Барселона цели седум бода.
