Поминаа пет години од последниот меѓусебен дуел на ракометните селекции на Македонија и Австрија.
Тогаш во Виена, Австријците победија со 32-28 на тој меч од Европското првенство, на кое беа домаќини. Но, кога станува збор за пресметки на Светско првенство, каква што ќе биде и денешната од 15.30 часот во Вараждин, имаме поубави спомени.
Пред десет години на СП во Катар, Кирил Лазаров, кој сега е селектор, тогаш како играч даде 9 гола против Австрија и беше предводник на македонскиот тим во победата од 36-31. И во квалификации за Светско првенство подобра е Македонија, во 2012 ги елиминиравме Австријците во битката за пласман на СП.
Имаме една победа над Австрија и на Европско првенство, во 2014 година во Хернинг, Данска.
