Арина Сабаленка продолжува со одличните настапи на Отвореното првенство на Австралија пласирајќи се во полуфиналето по тешката победа над Анастасија Павличенкова со 2-1 во сетови. Светската тенисерка број еден успеа да покаже карактер и квалитет кога беше најпотребно обезбедувајќи си место меѓу најдобрите четири во Мелбурн.
Сабаленка силно го започна натпреварот, освојувајќи го првиот сет со убедливи 6-2 во гемови. Сепак, Павличенкова одговори во вториот сет наметнувајќи го својот ритам и победувајќи со 6-2, со што го израмни резултатот на 1-1 во сетови.
Во решавачкиот трет сет, Сабаленка ги покажа своите шампионски квалитети. Со стабилна игра и важни поени во клучните моменти го освои сетот со 6-3, што ѝ донесе конечна победа и пласман во полуфиналето.
Во полуфиналето Сабаленка ќе се соочи со шпанската тенисерка Паула Бадоса, која приреди изненадување со победата над Коко Гоф од САД во четвртфиналето.
