Ракометната репрезентација на Холандија се изнамачи за да дојде до триумф (38-37) против Катар во вториот меч од групата во Вараждин, каде се наоѓа и Македонија. Холанѓаните победија буквално со гол во последната секунда, по шутот на Верстејнен кој заврши во мрежата на азиската селекција.
Катарците дадоа многу силен отпор, имаа и водство во поголемиот тек од мечот, на полувреме заминаа со два гола предност (19-17), но во финишот сепак Холандија успеа да извлече победа и да стигне до четири бода во групата.
Бајенс беше најефикасен во селекцијата на Холандија со девет гола, а Стеинс постигна осум погодоци.
Италија ја победи Чешка со 25-18. Аѕурите уште на полувреме имаа предност од пет гола (14-9) и рутински го приведоа натпреварот до крај.
