Динамо Загреб продолжува да им држи лекции на екипите не само од регионов туку и пошироко. Актуелниот шампион на Хрватска му го продаде младиот фудбалер од средниот ред, Петар Сучиќ, на Интер за сума од 14 милиони евра. Загрепчани може да заработат уште два милиони евра од дополнителните бонуси, но имаат и процент од следниот трансфер.
Дваесет и едногодишниот фудбалер својата кариера ја започна во младинските категории на Искра Бугојно, од каде што следуваше преселба во Зрињски од Мостар. Таму беше забележан од Динамо Загреб и беше купен за 200.000 евра во 2022 година. Следуваше позајмица во Зрињски, за конечно да се врати во Загреб во 2023 година и да блесне на европска сцена, а младинските селекции на Босна и Херцеговина ги замени за настапи за сениорската селекција на Хрватска.
Сепак, иако Интер зимава го купува од Динамо Загреб, Сучиќ ќе остане на позајмица кај Модрите до крајот на оваа сезона за да им помогне во одбраната на титулата.
🚨⚫️🔵 Petar Sucić to Inter, here we go! Agreement reached tonight with Dinamo Zagreb for Croatian midfielder, contracts ready.
Inter will pay €14m fixed fee plus €2m add-ons and sell-on clause.
Medical tests in Milano later this week.
Sucić will stay at Dinamo until June. pic.twitter.com/jdZpUsIzpk
— Fabrizio Romano (@FabrizioRomano) February 2, 2025
