Барселона минимално со 1:0 победи против Депортиво Алавес, а стрелец на единствениот гол беше Роберт Левандовски. Иако Левандовски го постигна голот за три бода, еден од најдобрите на теренот беше 17-годишниот Ламин Јамал. Младиот крилен напаѓач беше расположен за игра и едноставно беше незадржлив за противничките играчи.
Во текот на целиот меч стигна до рекорд кој досега го држеше Лионел Меси. Тинејџерот на Барселона против Алавес имаше 21 обиди за дриблинзи, што преставува нов рекорд во шпанското првенство. Досега тој рекорд го држеше Меси и тоа на дуел против Мајорка кога во 2007 година имаше 20 обиди за дриблинзи.
Јамал против Алавес имаше 11 успешни дриблинзи, додека Меси на тој меч од 2007 година имал 10 успешни дриблинзи.
Посебно атрактивен беше еден продор на Јамал кога направи слалом по речиси целиот терен и тоа може да го видите ТУКА.
21 – Lamine Yamal ha intentado 21 regates ante el Alavés (11 completados), récord de cualquier jugador del Barcelona en un mismo partido de LaLiga desde al menos la 05/06 (20 de Lionel Messi vs Mallorca en abril de 2007). Actualización. https://t.co/XbXkCPRBet pic.twitter.com/EKKBup1WRf
— OptaJose (@OptaJose) February 2, 2025
