Почетокот на осминафиналниот дуел меѓу Ле Ман и Пари Сен Жермен предизвика посебно внимание, и тоа поради двете стрелки кои беа нацртани на средината од игралиштето. Двете стрелки беа видливи пред почетокот на дуелот, а речиси никој не знаеше што значат тие.
Подоцна беше објаснето кое е значењето на тие симболи. Се работи за еколошка иницијатива за која поддршка даде и Француската фудбалска федерација (ФФФ).
„На мечот меѓу Ле Ман – ПСЖ постоеше соработка со агенцијата „Енерџиду фут“ и започна иницијативата #DemainFootballClub со цел да се дизајнира централен круг со две стрелки. Целта е да се вклучи францускиот фудбал во енергетската транзиција преку мотивирање на едноставни еколошки акции“, објасни фудбалскиот инфлуенсер Вински.
Je collabore sur le match PSG/Le Mans avec @energiedufoot pour parler de l’opération #DemainFootballClub visant à dessiner le rond central avec les 2 flèches. L’objectif c’est d’engager le football français dans la transition énergétique en motivant des actes écologiques simples. pic.twitter.com/RIYf3hZYHZ
— Vinsky (@viinsky360) February 4, 2025
