Едно од најголемите изненадувања во последните неколку децении во ФА купот го приреди екипата на Плимут откако со 1:0 го елиминира Ливерпул во 16-финалето на ова натпреварување.
Подвигот на Плимут е посебен затоа што се работи за тимот кој е последнопласиран во Чемпионшип (втора лига во Англија), а има примено најмногу погодоци од сите екипи кои се дел од првите четири лиги.
Иако ја има најслабата одбрана, Плимут успеа да не прими гол во дуелот со најдобриот тим во Премиер лигата и да го елиминира. Факт е дека Ливерпул не играше во најдобриот состав, но и покрај тоа, подвигот на Плимут е историски.
По завршување на мечот, тренерот на Плимут, босанскохерцеговскиот стратег Мирон Муслиќ, одржа говор во соблекувалната на победничкиот тим.
„Разговаравме многу пред и за време на натпреварот. Овој натпревар ви припаѓа вам, напишавме ново поглавје во клупската историја и тоа никој никогаш не може да ни го одземе. Ова ќе остане засекогаш и ќе уживаме во овој ден, но тоа мораме повторно да го направиме во среда. Мораме да продолжиме на овој начин. Со ваков интензитет и срце можеме да се бориме со секого“, рече тренерот Муслиќ во дел од говорот. Овој стратег сега мора да мисли и на тоа да го спаси тимот од испаѓање од Чемпионшип.
Goosebumps 💚
An incredible speech from @Argyle manager, Miron Muslic after their #EmiratesFACup win over Liverpool pic.twitter.com/o8ywY8kgOG
— Emirates FA Cup (@EmiratesFACup) February 9, 2025
