Англискиот премиерлигаш Арсенал официјално објави дека германскиот напаѓач Кај Хаверц ќе го пропушти остатокот од сезоната 2024/25 поради повреда на бутниот мускул. Новата информација е дека Хаверц наскоро ќе биде подложен на операција.
„Набргу по операцијата, Каи ќе започне програма за закрепнување и рехабилитација, која се очекува да продолжи во претсезонските подготовки за следната сезона“, се вели во соопштението на клубот.
Оваа повреда го остава тимот без централен напаѓач. Во тековната сезона, Хаверц одигра 34 натпревари за лондонскиот клуб во сите натпреварувања, постигнувајќи 15 гола и забележувајќи пет асистенции.
A medical update on Kai Havertz.
— Arsenal (@Arsenal) February 13, 2025
