Во меч од 12 коло на групната фаза во Лига на шампиони, Веспрем славеше над Спортинг со 33:32 и го потврди првото место во група А. На две кола до крајот, Веспрем има 22 бодови, дури шест повеќе од второпласираниот Пари Сен Жермен.
Освен возбудливиот финиш, овој меч го одбележа и еден необичен момент. Пред крајот на првото полувреме еден од данските судии падна во несвест. Јеспер Мадсен беше на средината од теренот, кога ненадејно се затетерави и падна на теренот.
Мечот веднаш беше прекинат, а на Мадсен му беше дадена прва помош. Данскиот судија беше при свест кога го напушти теренот. Неговиот судиски партнер Мадс Хансен во договор со делегатот, остана на теренот и до крајот на средбата успеа самиот да ја дели правдата на овој дерби дуел.
Данскиот судиски пар Мадсен-Хансен не се памтат по добро во македонската ракометна јавност. Тоа беа двајцата судии кои беа главни на дуелот Македонија – Холандија на Светското првенство кое минатиот месец се играше во Вараждин. Холандија победи, а по мечот Македонија се жалеше на судењето на Данците, кои од теренот беа испратени со свирежи и фрлени предмети од трибините каде што беа македонските навивачи.
🚑🇪🇺
L’arbitre du match entre Veszprém et le Sporting Portugal a fait un malaise pendant le match et a été évacué.
L’autre a arbitre a arbitré la minute restante seul
Après la MT les joueurs sont actuellement à l’échauffement.#Handball #ehfcl pic.twitter.com/rwq3eF3rvy
— Intervalle Handball (@HandIntervalle) February 20, 2025
