Екипата на Далас маверикс продолжува со добри резултати по заминувањето на првата ѕвезда Лука Дончиќ. На свој терен, Далас славеше над Њу Орлеанс со 111:103, во меч на кој домаќините брзо поведоа со 10 разлика (30:20). Њу Орлеанс во втората и третата четвртина во неколку ситуации покажа сила и го презема водството.
Клучниот момент се случи пред крајот на третата четвртина кога Далас со серија од 9:0 стигна до 78:72 и потоа до крајот на дуелот, домаќините го контролираа резултатот и стигнаа до петата победа во последните шест средби.
Кајри Ирвинг со 35 поени беше предводник кај побендичкиот тим, а одличен беше и Вашингтон кој додаде 24 поени.
Резултати од мечевите одиграни ноќеска: Кливленд – Њујорк 142:105, Орландо – Мемфис 104:105, Вашингтон – Милвоки 101:104, Торонто – Мајами 111:120, Далас – Њу Орлеанс 111:103, Сан Антонио – Детроит 110:125, Хјустон – Минесота 121:115, Јута – Оклахома 107:130, Сакраменто – Голден Стејт 108:132.
