Тренерот на Наполи, Антонио Конте, изрази разочарување по ремито 1-1 против Интер на домашен терен. Неговиот тим одигра одлично второ полувреме, доминирајќи над противникот, но успеа да постигне само израмнувачки гол, откако гостите први дојдоа до водство во првиот дел.
„Секако, има мало разочарување од резултатот, бидејќи одигравме одличен натпревар против многу силен противник. Интер е како борбен брод кој се гради со години и многу тешко е да се победи“, изјави Конте.
„По ваков натпревар, сфаќаме дека можеме да бидеме конкурентни во првенството. Ако секогаш ја покажуваме оваа одлучност, ќе бидеме во најдобра форма до крајот на сезоната. Ќе бидеме како мачки што се држат со канџи. Одигравме одлично, заслуживме повеќе, но мора да разбереме дека сè зависи од нас. Не сум задоволен, но мораме да продолжиме во истиот ритам“, заклучи Конте.
