Македонскиот фудбалер Елиф Елмас, се чини дека направи добар потег во јануари со преселбата во клубот Торино.
Елмас на три настапи за Торо, постигна два гола, двата на гостински терен и покажа дека не заборавил да игра фудбал и дека можеби во Лајпциг од каде е позајмен во Торино, неоправдано добиваше мала шанса.
Денеска на гостувањето кај Монца на кое Торино победи со 2-0, Елмас беше стартер, даде гол, а излезе од игра во 90-та минута.
Претходниот пат кога Елмас одиграл 90 или повеќе минути на еден официјален меч за клуб, беше уште на 4-ти мај 2023 година кога уште го носеше дресот на Наполи.
